Maxa ku qorsheysan Sanadka sanadka 2025

 

Sanadka Cusub 2025: Fursad Cusub oo Guul iyo Barako Leh

Sanadka cusub waa fursad kale oo nolosheena aan ku hagaajin karno, diinteena ku xoojin karno, xirfad cusub ku baran karno, iyo in aan ka dhabeeyno himilooyinkeena. Bal aynu si wadajir ah u eegno dariiqa guusha sanadka 2025, iyadoo aan Qur’aan iyo axaadiis ku salaynayno jihada nolosha.

1️⃣. Ku Dhowow Rabbigaaga

Guusha dhabta ahi waxay ku jirtaa inaad noloshaada u hogaamiso dariiqa Alle. Qur’aanka Kariimka ah wuxuu leeyahay:

> "فَاسْتَبِقُوا الْخَيْرَاتِ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ فِيهِ تَخْتَلِفُونَ"

(Suuradda Al-Baqara: Aayadda 148)

Fasirka aayaddan waxaa loola jeedaa in Muslimiinta ay ku dadaalaan oo ay ku tartamaan waxyaabaha wanaagsan sida camalka wanaagsan, cibaadada, iyo caawinta dadka, maadaama dhammaan dadku ugu dambeyntii ay ku laaban doonaan Allaah oo uu siin doono abaalmarin ku saleysan camalkooda.

Waxaa kale oo Qur’aanka lagu yiri:

> "وَاعْبُدُوا اللَّهَ وَلَا تُشْرِكُوا بِهِ شَيْئًا"

(Suuradda An-Nisaa: Aayadda 36)

Fasirka: “Cibaadada ku hagaajiya Alla kaliya, hana u yeelina cid kale in aad la-wadaagtid.”

Macnaheedu waa in nolosheena oo dhan camalka iyo dadaalkuba Alle loo hibeeyo, iyadoo aan cid kale loogu talo gelin.

Nebiga (NNKH) wuxuu yiri:

> "خَيْرُكُمْ مَنْ تَعَلَّمَ الْقُرْآنَ وَعَلَّمَهُ" (Bukhaari)

Micnaha: “Qofka ugu fiican waa kan Qur’aanka barta oo dadka kalena bara.”

Sanadkan cusub, ka dhig yoolkaaga koowaad inaad bartaan Qur’aanka iyo axaadiista, oo aad naftaada iyo dadka kale uga faa’iideyso.

2️⃣. Baro Xirfad Cusub oo Noloshaada Dhisaysa

Sanadka cusub waa fursad lagu horumarin karo xirfadahaaga si aad u dhisto noloshaada. Qur’aanka wuxuu leeyahay:

> "وَأَنْ لَيْسَ لِلْإِنْسَانِ إِلَّا مَا سَعَىٰ"

(Suuradda An-Najm: Aayadda 39)

Fasirka: “Qof walba wuxuu helayaa waxa uu ku dadaalo.”

Aayaddani waxay inoo caddeyneysaa in dadaalka qofku yahay kan uu guusha ku gaarayo, oo aan cid kale loogu xilsaaran noloshiisa.

Xirfado aad baran karto sanadkan waxaa ka mid ah:

Luqad cusub: Barashada luqadaha sida Ingiriis, Carabi, ama Faransiis waxay kuu abuuri kartaa fursado shaqo iyo waxbarasho.

Tiknoolajiyada: Baro software-ka casriga ah sida Excel ama Photoshop si aad xirfado cusub ugu hesho.

Nebigu wuxuu yiri:

> "مَا أَكَلَ أَحَدٌ طَعَامًا قَطُّ خَيْرًا مِنْ أَنْ يَأْكُلَ مِنْ عَمَلِ يَدِهِ" (Bukhaari)

Micnaha: “Qofna ma cunin cunto ka kheyr badan tan uu gacantiisa ku soo shaqeystay.”

3️⃣. Dhaqankaaga Kobci oo Ha Dhumin Aqoonsigaaga

Nebigu wuxuu kaloo yiri:

> "خَيْرُ النَّاسِ أَنْفَعُهُمْ لِلنَّاسِ" (Tabaraani)

Micnaha: “Qofka ugu fiican waa kan dadka ugu faa’iidada badan.”

Ha ilaawin inaad dadka kale caawiso si aad sumcad wanaagsan u hesho, oo aad dhaqankaaga sare ugu qaaddo.

4️⃣. Waxbarashada Waa Furaha Guusha

Qur’aanku wuxuu leeyahay:

> "هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ"

(Suuradda Az-Zumar: Aayadda 9)

Macnaheedu waa in qofka wax barta uu sareeyo, oo uu iftiinka aqoontiisa kaga bixi karo mugdiga jaahilnimada.

Sanadkan cusub, ka dhig hadaf inaad kor u qaaddo aqoontaada tacliinta iyo xirfadaha si aad ugu adeegto bulshadaada.

5. Hankaaga Ka Dhabeey oo Alle Talo Saaro

Hankaaga iyo himiladaada ma noqon karaan mid miro dhal ah haddii aadan Alle ku talo saarin.Qur’aanku wuxuu leeyahay:

> "وَمَنْ يَتَوَكَّلْ عَلَى اللَّهِ فَهُوَ حَسْبُهُ"

(Suuradda At-Talaaq: Aayadda 3)

Haddii aad Alle ku xirnaato oo aad ku kalsoonaato in camalkaaga wanaagsan Alle kuu fududeynayo, waxaa hubaal ah inaad guuleysan doonto.

Nebigu wuxuu yiri:

   

> "مَا يُصِيبُ الْمُؤْمِنَ مِنْ نَصَبٍ وَلَا وَصَبٍ حَتَّى الشَّوْكَةِ يُشَاكُهَا إِلَّا كَفَّرَ اللَّهُ بِهَا مِنْ خَطَايَاهُ" (Bukhaari)

Micnaha: “Wax kasta oo dhibaato ah oo Muslimka soo gaara, xataa haddii ay tahay qodax ku mudata, waxa uu Alle oga dhigaa dembi dhaaf.”

Sanadka cusub 2025 waa fursad kale oo aad ku hagaajin karto diintaada, dhaqankaaga, xirfadahaaga, iyo waxbarashadaada. Ku dadaal inaad camalkaaga wanaagsan ku bilowdo, Alle talo saarto, oo aad naftaada ku dhiirrigeliso inaad horumar ka samayso nolosha. Waxaan kuu rajaynayaa sanad barako leh oo guulo iyo kheyr badan ka buuxaan!

Sii faafi oo share garee si ay bulshada oga faaidaysataan nuxurka qoraalkan mahadsanid sxb , waa inoo meel sare waqti kasto .

Mahadsanid sida wanaagsan ee aad qoraalkan u akhritay . Aragtitaada wanaagsan noo reeb.